“Ponte ao Choio” é un proxecto de emprego e emprendemento impulsado polo Concello de Pontevedra, orientado a mellorar a empregabilidade e activar o talento local.
A través dun evento de dous días, o 27 e 28 de novembro, abordaremos de forma práctica e integradora todo o proceso de busca de emprego e posta en marcha de novas ideas de negocio: adestramento, formación e imaxe persoal e profesional.
QUE É?
É un evento de emprego e emprendemento no que as persoas participantes asumen un papel activo na súa mellora profesional.
Ao longo de dúas xornadas, adquirirán ferramentas prácticas e personalizadas para potenciar a súa empregabilidade, desenvolver novas ideas de negocio e mellorar a súa imaxen persoal e profesional, favorecendo así a súa inserción laboral.
POR QUÉ?
“Ponte ao Choio” nace como resposta a este novo contexto, ofrecendo un espazo práctico, inspirador e conectado coa realidade actual para mellorar a empregabilidade, impulsar o talento local e fomentar o espírito emprendedor.
Claves do programa
Talleres prácticos nos que as persoas participantes aprenderán a crear currículos adaptados ás novas demandas do mercado laboral, incorporando ferramentas dixitais e recursos visuais.
Tamén se traballará a comunicación verbal e non verbal nas entrevistas, a seguridade persoal e a forma de destacar o talento propio dun xeito profesional e auténtico.
Nesta edición, os obradoiros complétanse con charlas inspiradoras e sesións formativas sobre as tendencias actuais no emprego, o uso da intelixencia artificial, a marca persoal e o emprendemento, ofrecidas por profesionais de diferentes sectores que compartirán experiencias reais e consellos prácticos para mellorar o perfil laboral.
Potencia o teu perfil profesional cun plan personalizado.
Sesións individuais nas que se analiza o currículo, a traxectoria e os obxectivos profesionais de cada participante para ofrecer unha orientación adaptada ás súas necesidades.
Trabállanse aspectos como a estrutura, o ton e a estratexia de presentación, así como o uso de ferramentas dixitais e plataformas profesionais, co fin de mellorar a empregabilidade e optimizar as oportunidades de inserción laboral.
Constrúe unha imaxe profesional que reflicta quen es e o que queres transmitir.
Sesións fotográficas individuais nas que se traballa a imaxen persoal e profesional como parte esencial da empregabilidade.
O obxectivo é crear retratos auténticos, actuais e de calidade, que reforcen o currículo, o perfil en redes profesionais e a marca persoal de cada participante, transmitindo confianza, proxecto e identidade propia.
Dálle voz e presenza á túa candidatura profesional.
Gravación de videocurrículos personalizados que permiten presentarte dun xeito máis próximo, dinámico e auténtico, destacando as túas competencias, valores e experiencia.
O obxectivo é reforzar a túa marca persoal e mellorar a túa visibilidade ante empresas e recrutadores, combinando mensaxe, expresión e imaxe para crear un impacto profesional real.
Ofertas de emprego
Publicada: Proxecto ILES 22/10/2025 Empresa: Externa ETT Localidade: Pontevedra Requisitos: Experiencia no sector alimentación. Carné de manipulador/a de alimentos. Valorable carné de carretillero/a Residir en Pontevedra ou arredores Condicións: Traballar de luns a venres en quenda de mañá ou de tarde Contacto: Enviar CV a coordinacionvigo@grupoexterna.es
Publicada: Proxecto ILES 22/10/2025 Empresa: Externa ETT Localidade: Vilagarcía Descrición: Operarios/as produción fábrica conserveira Requisitos: Experiencia no sector alimentación. Carné de manipulador/a de alimentos Condicións: Traballar de luns a venres en quendas rotativas Contacto: Enviar CV a coordinacionvigo@grupoexterna.es
Publicada: Proxecto ILES 15/10/2025 Empresa: Pasteurizados Cies SLU Localidade: Sanxenxo Descrición: Para cocedeiro de mexillón Condicións: Xornada continua de mañá. Contrato por campaña Contacto: Enviar CV a pasteurizadoscies@gmail.com
Publicada: Proxecto ILES 15/10/2025 Localidade: Tomiño Descrición: Tarefas: Xestión e control documental. Apoio ao departamento de facturación Requisitos: Inlgés altamente valorable. Compromiso e responsabilidade Condicións: Xornada completa. Contrato indefinido Contacto: Enviar CV a contratacionlaboral@outlook.es
Publicada: Proxecto ILES 15/10/2025 Empresa: Centro de formación Localidade: Vigo Descrición: Tarefas de xestión, explotación e dinamización da plataforma de formación Requisitos: Experiencia como docente en formación a través de plataforma de formación Moodle. Experimentada na xestión e/ou administración da mesma que a capaciten para rendibilizar a devandita plataforma Contacto: Enviar CV a desarrollorrhh2015@gmail.com explicando claramente a experiencia docente a través de plataforma elearning, a formación específica recibida sobre a mesma e os logros obtidos como profesional na mesma
Publicada: Proxecto ILES 15/10/2025 Empresa: Ilunion Localidade: Vigo Descrición: Xestión dun equipo de traballo entre 25-50 persoas en fábrica de automoción Requisitos: Valorable certificado de discapacidade igual ou superior ao 33% ou incapacidade permanente total Condicións: Contrato inicial temporal. Xornada completa a quendas de mañá/tarde, noite ou fin de semana Contacto: Enviar CV a rprieto@ilunion.com ou aperezr@ilunion.com
Publicada: Proxecto ILES 15/10/2025 Empresa: Ilunion Localidade: Provincia de Pontevedra Descrición: Labores de vixilancia en xeral. Roldas e seguridade necesaria nas instalación Requisitos: TIP en vigor Condicións: Contrato inicial temporal Contacto: Enviar CV a rprieto@ilunion.com ou aperezr@ilunion.com
Publicada: Proxecto ILES 15/10/2025 Empresa: Ilunion Localidade: Vigo Descrición: Realización de tarefas de montaxe ou loxistica en fábrica de automoción Requisitos: Certificado de discapacidade igual ou superior ao 33% ou incapacidade permanente total Condicións: Contrato inicial temporal. Xornada completa a quendas de mañá/tarde, noite ou fin de semana Contacto: Enviar CV a rprieto@ilunion.com ou aperezr@ilunion.com
Publicada: Proxecto ILES 15/10/2025 Empresa: Centro Especial de Emprego Localidade: Vigo Descrición: Para limpeza nun ximnasio ubicado nun centro comercial. As funcións serían: Limpeza de ximnasio e salas de actividades. Limpeza do chan de caucho con máquina de vapor. Limpeza e desinfección de vestiarios, utilizando mangueira de auga e Kärcher (auga a presión) Requisitos: Estar en posesión de certificado de discapacidade igual ou maior ao 33% ou ter recoñecida incapacidade profesional e estar rexistrado como demandante na oficina de emprego. Residencia en Vigo ou proximidades. Vehículo propio para desprazarse ata o centro de traballo, se fose necesario. Interese no sector da limpeza, valorándose moi positivamente experiencia ou formación previa no posto. Dispoñibilidade para a incorporación inmediata Condicións: Contrato indefinido. Xornada laboral parcial de19 horas semanais distribuídas en quendas rotativas de luns a domingo. As quendas son de 05:00 a 10:30 e/ou de 16:00 a 18:30, cos respectivos descansos Contacto: Enviar CV a imourino@eulen.com
Inscripción ao circuito curricular e charlas
